Abşeronda avtomobillə mopedlərin toqquşması nəticəsində bir nəfər həlak olub. Bu haqda aprelin 26-da Daxili İşlər Nazirliyindən Report-a məlumat verilib.
İnsident dünən saat 16:00 radələrində rayonun Ceyranbatan qəsəbəsində baş verib. Sumqayıt sakini idarə etdiyi avtomobillə qarşıda gedən mopedləri vurub.
Nəticədə mopedçilərdən biri hadisə yerində ölüb, digəri isə xəstəxanaya yerləşdirilib.
Faktla bağlı araşdırma aparılır.
