Daha 2 sahibkara Ağdam Sənaye Parkında rezidentlik statusu verilib. Beləliklə, rezidentlərin sayı 7-yə çatıb. Bu haqda aprelin 27-də iqtisadiyyat naziri Mikayıl Cabbarov paylaşım edib.
“Prof-Dam” MMC dam örtüklərinin istehsalı müəssisəsi inşa edəcək, “Metkons” MMC isə havalandırma, yanğınsöndürmə avadanlıqları və müxtəlif metal məmulatların istehsalı ilə məşğul olacaq.
Layihələrin investisiya dəyəri 9 milyon manata yaxındır. Burada 85 nəfər daimi işlə təmin olunacaq.
Ağdam Sənaye Parkı 2021-ci ilin may ayında yaradılıb. Parkın digər 5 rezidentinin fəaliyyəti ilə keçid vasitəsilə tanış olmaq olar.
