Ağdam şəhərində su mənbələri təsdiqlənib. Burada subartezian quyularından istifadə olunacaq. Bu barədə aprelin 27-də APA-ya “Azərsu”nun rəsmisi məlumat verib.
Onun sözlərinə görə, Ağdamda artıq iki kəşfiyyat quyusu qazılıb və burada kifayət qədər keyfiyyətli su mövcuddur.
"Füzuli və Cəbrayılda yeraltı sularla bağlı araşdırmalar davam etdirilir. Bu gün “Azərsu”nun Şuşada, Hadrutda, Kəlbəcərdə və Zəngilanda fasiləsiz xidməti var ",- qurumdan bildirilib.
Qeyd edək ki, Şuşa şəhərinin dayanıqlı su təchizatı ilə bağlı Daşaltı kəndindən bir qədər aralı yerləşən çayın qarşısında bənd tikiləcək. Oradan Şuşa şəhərinə su veriləcək.
