Lukoil şirkəti cari ilin oktyabr ayında Şahdəniz layihəsi üzrə bağlanmış sazişə dəyişiklik edərək, Petronas şirkətindən alacaq payı 15,5%-dən 9,99%-ə endirib. Bu barədə 10 dekabr tarixində şirkətin rəsmi səhifəsində məlumat verilib.
Sözügedən əməliyyat məbləği də 2,25 milyard dollardan 1,45 milyard dollara endirilir. Petronas şirkətinin qalan payından 4,35%-lik hissəsini SOCAR, 1,16%-lik hissəni isə BP alır. Bununla da SOCAR-ın layihədə payı 14,35%-ə, Lukoil-ın payı 19,99%-ə, BP-nin payı isə 29,9%-ə yüksələcək.
Qeyd olunan əməliyyatların 2022-ci ilin yanvar ayının sonunadək başa çatacağı gözlənilir.
