Cari ilin 11 ayı ərzində Şahdəniz yatağı üzrə qazın və kondensatın satışından 730,7 milyon dollar gəlir əldə olunub. Bu barədə 7 dekabr tarixində İqtisadiyyat Nazirliyinin Telegram səhifəsində məlumat verilib.
2007-ci ildən Şahdəniz yatağından 4,4 milyard dollara yaxın gəlir əldə olunub.
Azərbaycan Respublikasının Dövlət Neft Fondunun son hesabatına əsasən, Azəri-Çıraq-Günəşli yatağı üzrə 2001-ci ildən 154,6 milyard dollardan çox gəlir əldə olunub. Sözügedən yataqdan cari ilin yanvar-noyabr aylarında 5,2 milyard dollardan çox gəlir əldə olunub.
