İşğal dövründə 100 min hektar ərazi yanğına məruz qalıb. Bunu jurnalistlərə açıqlamasında ekologiya və təbii sərvətlər nazirinin müavini deyib.
O bildirib ki, yanğınla orada olan bitki, fauna və flora tamamilə məhv olub. Qarabağda təbiətin yenidən bərpa olunması üçün uzun illər lazım olacaq.
F.Əliyevn sözlərinə görə, işğaldan azad olunmuş ərazilərin monitorinqinin ilkin nəticələri Baş Prokurorluğa təqdim olunub: "Bununla bağlı cinayət işi açılacaq və beynəlxalq hüquqi müstəvidə onlar törətdikləri vəhşiliklərə görə cavab verməli olacaqlar".
Nazir müavini onu da bildirib ki, Ermənistanın Oxçuçayı çirkləndirməsinin qarşısını almaq üçün işlərə başlanılıb.
Azərbaycanın Ermənistan ərazisindən keçib gələn 4 çayı var. Bunlar Bərgüşad, Oxçuçay, Bəsitçay və Araz çayıdır. Bu çayların içərisində çirklənməsinə görə ən kritik vəziyyətdə olan Oxçuçaydır.
