Amnistiya Aktının icrasına başlandığı gündən indiyədək 101 məhkum azadlığa buraxılıb. Bu barədə noyabrın 11-də Ədliyyə Nazirliyinin rəsmisi Elçin Nəsibov bildirib.
Məlumatda qeyd olunub ki, Amnistiya Aktının ümumilikdə 17 min nəfərə şamil olunması gözlənilir: "Onlardan 15 min nəfərə yaxını Ədliyyə Nazirliyi tərəfindən icra olunacaq”.
Milli Məclis amnistiya elan edilməsi haqqında qanun lahiyəsini noyabrın 5-də təsdiqləyib. Qərar qəbul edilən gündən qüvvəyə minib. Amnistiya aktının icra müddəti 4 ay göstərilməsinə baxmayaraq daha qısa müddətdə yekunlaşması nəzərdə tutulub.
