Azərbaycanın Minatəmizləmə Agentliyi (ANAMA) və Böyük Britaniyanın Mines Advisory Group qeyri-hökumət təşkilatı (MAG) Anlaşma Memorandumu imzalayıb. Bu haqda ANAMA dekabrın 16-da məlumat yayıb.
Sənəd çərçivəsində MAG tərəfindən ANAMA-nın yeni sahə supervayzerlərinin hazırlanması üzrə xüsusi təlimlərin keçirilməsi nəzərdə tutulub. Eyni zamanda, minalardan təmizləmə fəaliyyətinə məsləhət xidmətləri göstəriləcək.
“Layihə ABŞ və Kanadanın maliyyə vəsaiti hesabına həyata keçiriləcək. Bu əməkdaşlıq Azərbaycanda mövcud olan mina probleminin miqyasının beynəlxalq donor ictimaiyyətinin diqqətinə çatdırılmasına töhfə verəcək”, - deyə məlumatda qeyd edilib.
MAG humanitar minatəmizləmə, təhlükəsiz mühitin yaradılması və münaqişədən zərərçəkən icmalarla əlaqə üzrə dünyanın 29 ölkəsində fəaliyyət göstərir. 2000-ci illərin əvvəllərində sözügedən təşkilatlar arasında minatəmizləmə fəaliyyətində texniki dəstəyin göstərilməsi üzrə əməkdaşlıq edilib.
