Baxış zamanı Astara rayon sakininin “Mersedes-Benz” markalı avtomobilindən 5 kiloqram 400 qram narkotik vasitəyə bənzər maddə aşkarlanıb. Bu barədə oktyabrın 16-da DSX məlumat verib.
Avtomobil Bəhrəmtəpə-Biləsuvar avtomagistral yolunun yaxınlığında Sərhəd Qoşunları tərəfindən saxlanılıb.
Əlavə olaraq, Astara rayonunun Məsçidməhəllə kəndinin yaxınlığında sahibsiz halda 1 ədəd bağlama tapılıb. Bağlamadan 550 qram “tiryək” narkotik vasitəsinə bənzər maddə və 100 ədəd Tamol-x 225 psixotrop tərkibli dərman preparatları aşkarlanıb.
Faktlarla bağlı araşdırmalar davam etdirilir.
Bu il ümumilikdə 3 tona yaxın narkotik vasitə, 231 kiloqramdan artıq psixotrop maddə, 52 tondan çox kultivasiya yolu ilə yetişdirilən narkotik tərkibli bitkilər dövriyyədən çıxarılıb.
