Astarada meşədə baş verən yanğın söndürülüb. Yanğın 20 hektara yaxın ərazini əhatə edib.
Faktla bağlı araşdırmalara başlanılıb.
***
10:50
Astara rayonunda gecə saatlarında Pəlikeş inzibati ərazi vahidliyində baş verən meşə yanğını məhdudlaşdırılıb. Hazırda yanğın nəzarətə götürülüb, hava küləkli olduğundan bəzi yerlərdə yeni közərmələr davam edir.
Yanğının söndürülməsində yerli sakinlər də könüllü olaraq iştirak edirlər.
***
09:18
Astara rayonunda meşə yanğını başlayıb. Bu barədə dekabrın 20-də Fövqəladə Hallar Nazirliyi (FHN) məlumat yayıb.
Hadisə yerinə FHN-nin yanğından mühafizə bölmələri və Ekologiya və Təbii Sərvətlər Nazirliyinin Meşə Təsərrüfatı Mərkəzinin əməkdaşları cəlb olunub.
İlkin məlumata əsasən, qeyd olunan ərazidə təqribən 20 hektar sahədə kol-kos, xəzəl və qurumuş ağac kötükləri yanır. Hal-hazırda yanğınsöndürmə işləri davam etdirilir.
Əlavə məlumat veriləcək.
FHN-nin hesabatına əsasən, Azərbaycanda cari ilin 9 ayı ərzində 1 805 yanğın hadisəsi baş verib.
