2021-ci ilin avqust ayında Azərbaycana 77 119 turist gəlib. Dövlət Turizm Agentliyindən sentyabrın 17-də verilən məlumata görə, bu göstərici ötən ilin müvafiq dövrü ilə müqayisədə 145% artıb.
Lakin pandemiyadan öncəki illə müqayisədə rəqəmlər hələ də 79% azdır.
Cari ilin avqustunda əcnəbilər ən çox Rusiyadan, Türkiyədən, İrandan, Gürcüstandan və BƏƏ-dən gəlib.
Avqust ayında turist axını iyun və iyul aylarına nisbətən az idi. Belə ki, ötən ilin eyni dövrü ilə müqayisədə iyun və iyul aylarında Azərbaycana gələnlərin sayında artım müvafiq olaraq 156% və 197% təşkil edib.
