"Qarabağ" UEFA Avropa Liqasının Liqa mərhələsinin III turunda "Ayaks"a (Niderland) məğlub olub.
İnsanoid.com xəbər verir ki, Tofiq Bəhramov adına Respublika stadionunda keçirilirən oyun qonaq komandanın 0:3 hesablı qələbəsi ilə yekunlaşıb.
Təmsilçimiz şotlandiyalı baş hakim Nikolas Uolşun idarə etdiyi qarşılaşmaya uğursuz başlayıb. 15-ci dəqiqədə Julio Romao birbaşa qırmızı vərəqə alaraq meydandan qovulub. Hesabı isə 36-cı dəqidədə Kennet Teylor açıb. Amsterdam təmsilçisi 74-cü dəqiqədə Vaut Veqhorstun penalti zərbəsini dəqiq yerinə yetirməsindən sonra fərqi iki topa çatdırıb. Görüşdə yekun hesabı isə 77-ci dəqiqədə adını tabloya yazdıran Çuba Akpom təyin edib.
2 dəqiqə sonra isə Ağdam klubunun heyətində Elvin Cəfərquliyev ikinci sarı vərəqənin ardından qırmızı vərəqə alıb. Bununla da "Qarabağ" oyunu 9 nəfərlə tamamlayıb.
Qeyd edək ki, Qurban Qurbanovun rəhbərlik etdiiy kollektiv Avropa Liqasındakı növbəti oyununu noyabrın 7-də Norveç təmsilçisi "Bodo Qlimt"ə qarşı keçirəcək.
Oyunda üçüncü qol vurulub.
77-ci dəqiqədə Çuba Akpom qonaqların üçüncü qolunu vurur - 0:3.
Oyunda ikinci qol vurulub.
Vaut Herqorst 74-cü dəqiqədə "Ayaks"ın ikinci qolunu vurur - 0:2.
Oyunda hesab açılıb.
İnsanoid.com xəbər verir, Kennet Teylor 36-cı dəqiqədə qonaqları hesabda önə çıxarır - 0:1.
20:46
Azərbaycan təmsilçisi "Qarabağ" UEFA Avropa Liqasının III turunda Niderlandın "Ayaks" klubunu qəbul edir.
İnsanoid.com xəbər verir ki, görüş Tofiq Bəhramov adına Respublika stadionunda keçirilir.
Matçda ədaləti FIFA referisi Nikolas Ualşın başçılıq etdiyi Şotlandiyadan olan hakimlər briqadası qoruyur.
20:21
UEFA Avropa Liqasının Liqa mərhələsinin III turunda baş tutacaq "Qarabağ" - "Ayaks" (Niderland) matçından əvvəl komandaların start heyətləri açıqlanıb.
İnsanoid.com-un məlumatına görə, Tofiq Bəhramov adına Respublika Stadionunda keçiriləcək oyun 20:45-də başlayacaq.
Komandalar meydana aşağıdakı heyətlə çıxacaqlar:
"Qarabağ": Mateuş Koxalski, Abbas Hüseynov, Bədavi Hüseynov, Kevin Medina, Julio Romao, Marko Yankoviç, Leandro Andrade, Yassin Benzia, Abdullah Zubir, Juninyo.
"Ayaks": Remko Pasver, Yorrel Hato, Yosip Şutalo, Daniele Ruqani, Devayn Renç, Kennet Teylor, Cordan Henderson, Kian Fitç Cim, Mika Qodts, Vaut Herqorst, Kristian Ramussen.
