Azərbaycan Avtomobil Yolları Dövlət Agentliyi 14-15 уаnvar tarixlərində ölkədə gözlənilən qarlı hava şəraiti ilə bağlı gücləndirilmiş iş rejiminə keçib. Bu haqda 13 yanvar tarixində qurumdan məlumat verilib.
Bildirilib ki, dağlıq və dağətəyi ərazilərdə yollarda avtomobillərin təhlükəsiz hərəkətinin təmin olunması məqsədi ilə təşkilatlara gücləndirilmiş iş rejimində işləmələri barədə tapşırıq verilib.
Milli Hidrometeorologiya Xidmətindən verilən məlumata görə, yanvarın 13-ü axşam saatlarından Bakıda və Abşeronda yağış yağacağı, 14-də sulu qara, şəhərin nisbətən yüksək ərazilərində isə qara keçəcəyi gözlənilir. Bu günlərdə külək güclənəcək, yollar isə buz bağlayacaq.
