Axtarışda olan şəxs narkotik vasitənin təsiri altında avtomobil idarə edərkən saxlanılıb. Bu barədə Baş Dövlət Yol Polisi İdarəsindən məlumat yayılıb.
Ələt-Astara yolunun Salyan rayonu ərazisindən keçən hissəsində "Opel” markalı, 99-XJ-379 dövlət qeydiyyat nişanlı avtomobilin sürücüsü saxlanılıb. Tibbi müayinəyə cəlb edilən sürücü Elnur Əliyevin narkotik vasitədən istifadə etməsi müəyyən olunub.
Bakı sakini Elnur Əliyev barəsində protokol tərtib edilib. Bundan başqa, onun borclu qismində axtarışda olması da müəyyən edilib. O, Salyan Rayon Polis Şöbəsinə təhvil verilib.
