Fermerlər arasında keçirilən “Ayın fermeri” müsabiqəsinin qalibi elan olunub. Bu barədə 8 dekabr tarixində Kənd Təsərrüfatı Nazirliyi məlumat verib.
İki mərhələli müsabiqədə iştirak üçün 3 rayondan ümumilikdə 4 fermer müraciət edib.
Sözügedən müsabiqənin qalibi 10 il çəltikçiliklə məşğul olan Lənkəran rayon sakini Rüfət Əsgərovdur. Fermer 14 hektar sahədən 56 ton məhsul toplayıb.
“Ayın fermeri” müsabiqəsinin məqsədi nümunəvi fermerləri mükafatlandırmaq, həvəsləndirmək və qabaqcıl fermerlər arasında sağlam rəqabət mühitini formalaşdırmaqdır.
Qaydalara əsasən, müsabiqədə Elektron Kənd Təsərrüfatı İnformasiya Sistemində qeydiyyatdan keçmiş və 2 ildən az olmayan müddətdə kənd təsərrüfatı ilə məşğul olan fermerlər iştirak edə bilər.
