Azərbaycan Xarici İşlər Nazirliyi Batumidə yaşayış binasının çökməsi nəticəsində həlak olanlarla bağlı Gürcüstana başsağlığı verib. Bu barədə qurumun Twitter səhifəsində oktyabrın 9-da paylaşım edilib.
“Batumi şəhərində yeddimərtəbəli binanın çökməsi xəbəri bizi çox kədərləndirdi. Həlak olanların ailələrinə başsağlığı verir, yaralıların tezliklə şəfa tapmasını diləyirik. Azərbaycan dost Gürcüstanla həmrəyliyini ifadə edir”, - deyə məlumatda qeyd edilib.
Oktyabrın 8-də Gürcüstanın ikinci ən böyük şəhəri olan Batumidə yaşayış binası çöküb. Hadisə nəticəsində 6 nəfər həlak olub, 3 nəfərin axtarışları isə hazırda davam edir.
Qeyd edək ki, oktyabrın 11-i qonşu ölkədə həlak olan vətəndaşların xatirəsinə matəm günü elan olunub.
The news on collapse of a seven-story building in #Batumi city of #Georgia very saddened us. We present our heartfelt condolences to the families of victims of the deadly incident & wish speedy recovery to all injured. Expressing solidarity with friendly #Georgia. ???? @MFAgovge
— MFA Azerbaijan ?? (@AzerbaijanMFA) October 9, 2021
