Azərbaycan cüdoçuları İtaliyanın Olbia şəhərində gənclər arasında keçirilən dünya çempionatını 2 medalla başa vurub. Bu barədə məlumat Beynəlxalq Cüdo Federasiyasının rel="nofollow">səhifəsində əks olunub.
İdmançılar Turan Bayramov (60 kq) gümüş, Elcan Hacıyev (81 kq) isə bürünc medal qazanıb.
Turan Bayramov yarışın ilk günündə özbəkistanlı Kamoliddin Baxtıyarova qalib gələrək finala vəsiqə qazanıb. Lakin finalda Gürcüstan təmsilçisi Giorgi Sardalaşviliyə məğlub olaraq ikinci yeri tutub.
Elcan Hacıyev yarımfinalda rusiyalı idmançı Adam Tseçoyevə məğlub olub. Bürünc medalı uğrunda döyüşdə qazaxıstanlı Ayan Bayqaziyə ipponla qalib gələrək 3-cü yeri tutub.
Azərbaycanın 8 cüdoçu ilə təmsil olunduğu çempionat oktyabrın 9-da başa çatacaq.
