Fransa diplomatiyasının rəhbərinin Azərbaycanın və Ermənistanın xarici işlər nazirləri ilə görüşü baş tutub. Bu haqda noyabrın 10-da Fransanın Xarici İşlər Nazirliyi (XİN) məlumat yayıb.
Öncə Jan-İv Le Drian Ceyhun Bayramovu və Ararat Mirzoyanı ayrı-ayrılıqda qəbul edib. Daha sonra ATƏT-in Minsk Qrupu çərçivəsində üçtərəfli görüş keçirilib.
Görüş zamanı Fransa Cənubi Qafqazda sülhün davamlı olması üçün tərəflər arasında dialoqun intensivləşməsinə yardım etmək istəyini vurğulayıb.
Bundan əvvəl, Azərbaycan və Ermənistan XİN başçılarının görüşü sentyabrın 25-də BMT Baş Assambleyasının 76-cı sessiyası çərçivəsində keçirilmişdir. Görüşdə Azərbaycan və Ermənistan arasında münasibətlərin normallaşdırılması haqqında müzakirələr aparılmışdır.
#Caucase J’ai réuni aujourd’hui à Paris mes homologues d’Arménie et d’Azerbaïdjan pour contribuer à réduire les tensions. La mobilisation de la ?? reste entière dans le groupe de Minsk. Nous n’oublions pas les victimes de la guerre interrompue il y a un an. pic.twitter.com/AyHfdJI3xi
— Jean-Yves Le Drian (@JY_LeDrian) November 10, 2021
