“Astara” gömrük postunda İrandan Rusiyaya hərəkət edən avtomobildə dərman preparatları aşkarlanıb. Bu barədə noyabrın 29-da Dövlət Gömrük Komitəsindən məlumat verilib.
Belə ki, gömrükçülər xurma yükü aparan “Volvo” markalı yük avtomobili saxlayıb. Avtomobildə gömrük nəzarətindən gizlədilən 1215 həb, 122 flakon, 5 ədəd şprisdə maye halında dərman preparatları, 73 dərman qutusu aşkar edilib.
Bundan əvvəl, noyabrın 15-də Azərbaycan gömrükçüləri İrandan Azərbaycana 218 kiloqramdan artıq heroinin gətirilməsinin qarşısını alıb.
