Azərbaycan, Gürcüstan və Türkiyə arasında gömrük məsələləri üzrə üçtərəfli komitənin yaradılması haqqında Protokol təstiq edilib. Bu haqda 20 dekabr tarixində Prezident İlham Əliyev Fərman imzalayıb.
Fərmanda qeyd olunub ki, Azərbaycanın Dövlət Gömrük Komitəsi Protokolun müddəalarının həyata keçirilməsini təmin etməlidir.
Qeyd edək ki, üç ölkə arasında Protokol oktyabrın 8-də İzmir şəhərində imzalanmışdır. Bu sənəd sərhəd keçidlərini asanlaşdırmaq və onların təhlükəsizliyini təmin etmək, gömrük məsələlərində hüquq-mühafizə üzrə əməkdaşlıq qurmaq, qaçaqmalçılığa qarşı birgə operativ tədbirlər görmək üçün təsdiq edilmişdir.
