Azərbaycanın aşağıbüdcəli aviaşirkəti “Buta Airways” Səudiyyə Ərəbistanının Ər-Riyad və Dammam şəhərlərinə xüsusi reyslər həyata keçirəcək. Bu haqda noyabrın 16-da aviaşirkət məlumat yayıb.
Ər-Riyada uçuşlar 27 noyabrdan etibarən həftənin şənbə günləri, Dammama isə noyabrın 26-dan bazar ertəsi və cümə günləri baş tutacaq. Qiyməti 55 avrodan başlayan aviabiletləri Buta Airways-in saytından və yaxud akkreditə olunmuş agentliklərindən əldə etmək mümkündür.
Pandemiya dövründə sözügedən ölkəyə giriş qaydaları ilə buradan tanış olmaq olar.
Qeyd edək ki, Səudiyyə Ərəbistanından Azərbaycana geri qayıtmaq üçün sərnişinlərdə uçuşdan 72 saat əvvəl verilmiş PCR testinin neqativ nəticəsini təsdiq edən sənəd olmalıdır.
