Biləsuvar gömrük postunda 218 kiloqramdan artıq heroin aşkar edilərək qanunsuz dövriyyədən çıxarılıb. Bu barədə noyabrın 15-də Dövlət Gömrük Komitəsindən məlumat verilib.
Gömrük postunda İrandan Azərbaycana hərəkət edən “Scania” markalı yük avtomobili saxlanılıb. Avtomobilə baxış zamanı yanacaq çəninin içərisində 205 ədəd bağlama aşkarlanıb. Həmin bağlamalarda heroin olduğu müəyyən edilib.
Aşkar edilən heroinin dəyəri Avropanın qara bazarında 26 milyon manat təşkil edir.
Bundan əvvəl, noyabrın 10-da “Astara” gömrük postunda İrandan Azərbaycana 622 kiloqramdan çox heroininin keçirilməsinin qarşısı alınıb.
