2021-ci ildə Azərbaycanın qeyri-neft sektoru üzrə ən çox ixrac olunan məhsulları pambıq, qızıl və pomidor olub. Bu barədə 31 yanvar tarixində Azərbaycan Respublikası İqtisadi İslahatların Təhlili və Kommunikasiya Mərkəzinin dərc etdiyi "İxrac icmalı"nda məlumat verilib.
2020-ci ilin eyni dövrü ilə müqayisədə pambığın ixracı 57,7% artaraq 208 milyon dollar təşkil edib. Qızılın və pomidorun ixracı isə 1,5% və 20,5% azalaraq müvafiq olaraq 202,5 və 160,2 milyon dollar olub.
Azərbaycanın ötən il ən çox qeyri-neft məhsulu ixrac etdiyi ölkələr arasında Rusiya, Türkiyə, İsveçrə, Gürcüstan və ABŞ yer alıb.
[gallery link="file" columns="1" size="full" ids="29046"]
