Nur-Sultan şəhərində yerləşən Azərbaycanın Qazaxıstandakı Səfirliyinin inzibati binası hüquq-mühafizə orqanları tərəfindən qorunur. Bu haqda məlumat yanvarın 11-də qurumun Twitter hesabında paylaşılıb.
Qeyd edilib ki, Almatı şəhərindəki ofis də hazırda mühafizə olunur.
Yanvarın 2-də Qazaxıstanın Manqistau vilayətinin Janaozen və Aktau şəhərlərində etiraz aksiyaları başlayıb. Səbəb maye qazının ikiqat bahalaşmasıdır. Yanvarın 19-na kimi ölkədə fövqəladə vəziyyət elan edilib. Nəticədə Prezident Kasım-Jomart Tokayev hökuməti istefaya göndərib.
Hər zaman olduğu kimi, Azərbaycan Respublikasının Qazaxıstan Respublikasındakı Səfirliyinin inzibati binası (Nur-Sultan şəhəri) və Almatı şəhərindəki ofisi Qazaxıstan Respublikasının hüquq-mühafizə orqanları tərəfindən yüksək səviyyədə qorunur.
— Embassy of Azerbaijan to Kazakhstan (@azembassykz) January 11, 2022
