2021-ci ilin ilk səkkiz ayı ərzində Azərbaycanın Rusiyaya ixrac etdiyi bir sıra bitkiçilik məhsullarının ixracı artıb. Bu haqda 9 sentyabr tarixində Qida Təhlükəsizliyi Agentliyinin saytında məlumat verilib.
Cari ilin yanvar-avqust ayları ərzində ötən ilin müvafiq dövrü ilə müqayisədə Rusiyaya olan xurma ixracında 129%, alma ixracında 21%, kartof ixracında 23%, xiyar və kornişon ixracında 112%, şaftalı və nektarin ixracında 182%, qarpız ixracında 151%, üzüm ixracında 178%, gavalı və göyəm ixracında 47%, çiyələk ixracında 122%, armud ixracında 177% artım müşahidə edilib.
İxrac olunan çiyələk, üzüm və pomidorun 100%-i avtomobil nəqliyyatı vasitəsilə daşınıb.
2021-ci ilin yanvar-iyul aylarında Rusiyaya 338 milyon dollarlıq meyvə-tərəvəz ixrac edilib.
