2022-ci ilin yanvar-fevral aylarında sənaye zonalarındakı müəssisələr 436 milyon manat dəyərində məhsul satışı həyata keçirib. Bu haqda martın 30-da iqtisadiyyat naziri Mikayıl Cabbarov öz Twitter hesabında məlumat verib.
Nazir qeyd edib ki, bu məbləğin 191 milyon manatı ixracın payına düşüb.
2021-ci ilin eyni dövrünə nisbətən məhsul satışı 76%, ixrac isə 138% artıb.
İndiyədək sənaye zonalarında ümumilikdə 5,8 milyard manatlıq məhsul istehsal edilib. İstehsal olunan məhsullar “Made in Azerbaijan” brendi ilə dünyanın 35-dən çox ölkəsinə ixrac edilib.
