Bu gün, yanvarın 10-da Azərbaycan SSR Kommunist Partiyasının birinci katibi olmuş Əbdürrəhman Vəzirov 91 yaşında vəfat edib. Bu barədə Report məlumat yayıb.
Əslən şuşalı olan Əbdürrəhman Vəzirov 1930-cu il mayın 26-da Bakının indiki Binəqədi qəsəbəsində anadan olub. O, Azərbaycan və Sovet komsomolunun rəhbərliyində çalışıb, sonra diplomatik xidmətə keçib, SSRİ-nin Hindistan, Nepal və Pakistandakı diplomatik nümayəndəliklərinə rəhbərlik edib.
Əbdürrəhman Vəzirov 1988-ci ildə Azərbaycan Kommunist Partiyası Mərkəzi Komitəsinin birinci katibi təyin edilib. 1990-cı ildə isə Azərbaycanı tərk edərək ömrünün sonuna kimi Moskvada yaşayıb.
