Azərbaycan qazı İtaliyanın təbii qaz tədarükünün 10%-ə qədərini təmin edir. Bu barədə 22 oktyabr tarixində İtaliyanın Sky TG24 Business-ə Trans-Adriatik boru kəmərinin (TAP) icraçı direktoru Luka Skyepatti deyib.
Onun sözlərinə görə, 2020-ci ildə tikintisi tamamlanan TAP boru kəməri sayəsində Avropada təbii qaz problemləri məsələsində İtaliyanın vəziyyəti digər ölkələrdən daha əlverişlidir. Yanvar-oktyabr aylarında TAP vasitəsilə İtaliyaya 4,6 milyard m³ qaz tədarük edilib və ilin sonunadək tədarük edilən qazın həcmi 7 milyard m³-ə çatdırıla bilər.
Qeyd edək ki, 878 kilometrlik TAP qaz boru kəməri vasitəsilə “Şahdəniz” yatağından hasil olunan təbii qaz Avropaya daşınır. TAP-ın səhmdarları SOCAR (20 %), BP (20 %), “Snam” (20 %), “Fluxys” (19 %), “Enagás” (16 %) və “Axpo” (5 %) şirkətləridir.
