Azərbaycanın kişi taekvondoçuları Tehranda keçirilən G2 kateqoriyalı beynəlxalq "Fajr Open" turnirində 2 medal qazanıblar. Bu barədə martın 9-da Report məlumat yayıb.
Yarışın son günündə 68 kiloqramda Cavad Ağayev və 87 kiloqramda Radik İsayev final döyüşlərində ikinci yeri tutublar. Azərbaycan Taekvondo Federasiyasının vitse-prezidenti Niyaməddin Paşayev isə yarışın ən yaxşı komanda rəhbəri adına layiq görülüb.
Daha əvvəl qadın taekvondoçulardan Fəridə Əzizova (67 kq.) gümüş, Patimat Abakarova (53 kq.) isə bürünc medala sahib çıxıblar.
