Dekabrın 15-də Brüsseldə Azərbaycan və Ermənistan liderləri İlham Əliyev və Nikol Paşinyan arasında qeyri-formal görüş keçirilib. Görüş Fransa Prezidenti Emmanuel Makronun təşəbbüsü ilə baş tutub. Bu barədə İlham Əliyevin rəsmi səhifəsində məlumat verilib.
Qeyd edək ki, ölkə rəhbəri dekabrın 13-də Avropa İttifaqının (Aİ) sammitində iştirak etmək üçün Belçikanın paytaxtına səfər edib.
Səfər çərçivəsində dövlət başçısı dekabrın 14-də Aİ Şurasının Prezidenti Şarl Mişel və Ermənistanın Baş naziri Nikol Paşinyan ilə görüşüb. Daha sonra Azərbaycan Prezidenti NATO-nun Baş katibi Yens Stoltenberq ilə birgə mətbuat konfransında iştirak edib.
Dekabrın 15-də isə İlham Əliyev “Şərq Tərəfdaşlığı” Sammitində iştirak edib. Eyni gündə İlham Əliyevin Ukrayna və Moldova Prezidentləri ilə görüşü keçirilib.
