Ermənistanın Azərbaycana qarşı 30 ilə yaxın davam edən hərbi təcavüzünə son verilməsi üçün bu illər ərzində ATƏT-in Minsk Qrupunun həmsədri qismində ABŞ tərəfindən təəssüf ki, heç bir effektiv addım atılmayıb. Bu sözlər Azərbaycan XİN tərəfindən ABŞ Dövlət Departamentinin nümayəndəsinin Qarabağ bölgəsi ilə bağlı səsləndirdiyi fikirləri şərh edərkən bildirilib.
Məlumatda vurğulanıb ki, Azərbaycan özü beynəlxalq hüquq əsasında ərazi bütövlüyünü bərpa edib və BMT TŞ qətnamələrinin icrasını təmin edib.
“Hazırda “Dağlıq Qarabağ” anlayışı mövcud deyil, Azərbaycanın tərkib hissəsi olan Şərqi Zəngəzur və Qarabağ iqtisadi rayonları mövcuddur”, - deyə XİN qeyd edib.
Daha öncə ABŞ Dövlət departamenti “Azərbaycan qoşunlarının Dağlıq Qarabağda hərəkət etməsi” ilə bağlı narahatlığını ifadə etmişdi.
