Azərbaycanda 2021-ci ilin ilk 10 ayında faktiki qiymətlərlə 8 milyard manatlıq kənd təsərrüfatı məhsulları istehsal edilib. Bu da ötən ilin eyni dövrü ilə müqayisədə 4,1% çoxdur. Bu barədə məlumat Dövlət Statistika Komitəsinin son hesabatında əks olunub.
Bunun 3,8 milyard manatlıq hissəsi heyvandarlıq, 4,2 milyard manatlıq hissəsi isə bitkiçilik məhsullarının payına düşüb. Bu da ötən ilin eyni dövrü ilə müqayisədə müvafiq olaraq 2,7% və 5,4% çoxdur.
Qeyd edək ki, təsərrüfatlarda 2022-ci ilin məhsulu üçün müvafiq işlər görülür. Təmiz herik şumu daxil olmaqla cari ilin payızlıq əkinləri üçün 819,7 min hektar sahədə şum qaldırılmışdır. Gələn ilin məhsulu üçün 350,4 min hektar sahədə dən üçün payızlıqlar səpilmişdir.
