2021-ci il dekabrın 1-i vəziyyətinə olan məlumata əsasən, Azərbaycanda 5,3 milyon nəfər iqtisadi fəal əhali var. Onlardan 4,9 milyon nəfəri məşğul əhali təşkil edir. Bu göstəricilər Dövlət Statistika Komitəsinin 15 dekabra olan hesabatında əks olunub.
Hesabatda göstərilib ki, dövlət sektorunda 903 min nəfərdən çox, qeyri-dövlət sektorunda isə 798 min nəfər şəxs çalışıb. Eyni zamanda neft-qaz sektorunda 32 minə yaxın şəxs, qeyri neft-qaz sektorunda isə 1,6 milyon nəfər çalışıb.
Muzdla çalışan işçilərin 24%-i məhsul istehsalı sahələrində, 7%-i tikintidə, 4%-i kənd təsərrüfatı, meşə təsərrüfatı və balıqçılıq sahələsində fəaliyyət göstərib.
Xidmət sahəsində işləyənlərin 19%-i təhsil, 19%-i ticarət, 8%-i səhiyyə və sosial xidmətlərin göstərilməsi və digər sahələrdə çalışıblar.
