Bakı Beynəlxalq Avtovağzal Kompleksi ilə birlikdə ölkənin digər 56 avtovağzalı gücləndirilmiş iş rejiminə keçib. Bu barədə sentyabrın 20-də Dövlət Avtomobil Nəqliyyatı Xidmətindən məlumat verilib.
Hazırda Bakı avtovağzalından 72 istiqamət üzrə 643 avtobus çıxır. Bu rəqəmin tədris ilinin başlanması ilə əlaqədar iki dəfə artırılması nəzərdə tutulur. Gəncə, Lənkəran, Şirvan, Şəki, Qax, Zaqatala və Quba istiqamətindən avtobusların sayında artım daha çox olacaq.
Avtovağzallarda sərnişinlərdən COVID-19 pasportu tələb olunmur. Lakin koronavirusun ilkin əlamətlərinin yoxlanılmasına dair tədbirlər həyata keçiriləcək.
Paytaxtdan regionlara və regionlardan paytaxta gecə reysləri də aktivdir.
Operativ Qərargahdan verilən məlumata görə, şəhərlərarası və rayonlararası sərnişindaşıma fəaliyyəti mayın 31-də bərpa edilib.
