2021-ci il noyabr ayının 1-nə Azərbaycanda bank və digər kredit təşkilatlarının kredit portfeli milli valyuta ekvivalentində 16,415 milyard manat təşkil edib. Bu haqda 15 dekabr tarixində dərc edilmiş Dövlət Statistika Komitəsinin hesabatında deyilir.
Ümumi kredit portfelinin 81,2%-i uzunmüddətli kreditlərin payına düşüb. Kreditlərin 97,5%-i banklar, 2,5%-i isə bank olmayan kredit təşkilatları tərəfindən verilib. Ödəmə vaxtı keçmiş kreditlərin məbləği 815,9 milyon manat təşkil edib. Bu da ümumi kredit portfelinin 5%-i deməkdir.
