Ölkənin bir neçə təhsil müəssisəsi koronavirusa görə distant təhsilə keçid edib. Bu barədə oktyabrın 31-də məlum olub.
Belə ki, Bakıda yerləşən Memarlıq və İnşaat Universitetinin magistratura pilləsində bir qrupda əyani təhsil dayandırılıb. Bir tələbədə virus aşkarlandığı üçün həmin qrupda dərslər iki həftəlik onlayn formada keçiriləcək.
Dərslər başlayandan indiyədək universitetdə ümumilikdə 7 qrup distant təhsilə keçib və artıq əyani dərslərə geri dönüblər.
Samuxda isə 3 orta məktəb distant təhsilə keçib. Orada müəllim, direktor və şagirdlərin COVID-19 infeksiyasına yoluxduqları üçün məktəblər 14 gün müddətinə bağlanılıb.
