Azərbaycanda futbol ilin ən yaxşı idman yarışı kimi müəyyənləşib. Bu haqda məlumat dekabrın 13-də İdman Araşdırmalar Mərkəzinin "İlin Qalibləri-2021" layihəsi çərçivəsində jurnalistlər arasında keçirdiyi sorğuda əks olunub.
Cüdo və batut gimnastikası isə 2-ci və 3-cü yerləri bölüşdürüb.
Azərbaycan millisinin və "Neftçi" klubunun futbolçusu Emin Mahmudov 36 səslə ilin ən yaxşı futbolçusu seçilib.
Polşa "Legiya"sında çıxış edən yığmanın digər üzvü Mahir Emreli 16 səslə ikinci olub.
"Qarabağ"ın Mərakeş əsilli yarımmüdafiəçisi Abdullah Zubir isə 26 səslə ilin ən yaxşı əcnəbi futbolçusu kimi müəyyənləşib.
Dünya çempionu və Tokio-2020 Yay Olimpiya Oyunlarının gümüş medalçısı karateçi İrina Zaretska 20 səslə ilin ən yaxşı idmançısı kimi müəyyənləşib.
Yunan-Roma güləşçisi Rafiq Hüseynov isə 15 xalla ikinci olub.
