2021-ci ilin ilk 9 ayında Azərbaycan 26 milyon dollarlıq şəkər ixrac edib. Bu göstərici ötən ilin eyni dövrü ilə müqayisədə 2,1 dəfə çoxdur. Bu barədə 15 noyabr tarixində Dövlət Statistika komitəsinin hesabatında deyilir.
Digər məhsullardan bitki yağlarının ixracı 30%, kartofun ixracı 18%, təzə meyvənin ixracı isə 13,9% artıb. Eyni zamanda təzə tərəvəzin ixracı 21%, tütünün ixracı 17,6%, çayın ixracı isə 8,6% azalıb.
İdxalda əsas artım bitki yağlarında (45,4%), xam şəkər və şəkərdə (42,7%), təzə tərəvəzdə (24,8%), kartofda (10,6%) müşahidə olunur. İribuynuzlu heyvan ətinin idxalında 41,9%, siqaretlərdə 21,1%, buğdanın idxalında isə 11,4% azalma var.
