2022-ci ilin yanvar-fevral aylarında istehlak qiymətləri 2021-ci ilin eyni aylarına nisbətən 12,2% artıb. Bu barədə 11 mart tarixində Dövlət Statistika Komitəsi məlumat verib.
Məlumatda bildirilib ki, ötən ilin yanvar-fevral aylarına nisbətən qida məhsulları üzrə qiymət artımı 17,5%, qeyri-ərzaq məhsulları üzrə 6%, ödənişli xidmətlər üzrə isə 10,2% təşkil edib.
Ən çox qiymət artımı meyvələrdə (4,8%) və tərəvəzlərdə (4,4%) qeydə alınıb.
Xatırladaq ki, ötən il Azərbaycanda ortaillik inflyasiya 6,7% təşkil edib.
