Bu gün Vətəndaş və İnkişaf Partiyasının (VİP) sədri Əli Əliyevlə bağlı xüsusi ittiham qaydasında olan şikayət üzrə məhkəmə prosesi keçirilib. Bu barədə yanvarın 13-də Sputnik Azərbaycan məlumat yayıb.
Qərara əsasən, Əli Əliyev 5 ay müddətinə həbs edilib.
Qeyd edək ki, 2021-ci il noyabrın 30-da qəzaya uğrayan Dövlət Sərhəd Xidmətinin (DSX) helikopterində sağ qalan hərbçilər Emil Cəfərov və Ramin Ədilov partiya sədrini “böhtan” maddəsi ilə məhkəməyə veriblər.
İddiaçıların şikayətlərinə görə, VİP sədri Əli Əliyev məlum helikopter qəzasından sağ çıxmağın mümkünsüzlüyünü bildirib.
Xatırladaq ki, Mi-17 tipli hərbi helikopterin Xızıda yerləşən “Qaraheybət” aviasiya poliqonunda təlim uçuşları zamanı qəzaya uğraması nəticəsində 14 nəfər həlak olub, 2 nəfər isə yaralanıb.
