Qobustanda açılan heyvandarlıq kompleksində Qarabağ atlarının satışına başlanılacaq. Bu barədə noyabrın 12-də “Aqroservis” ASC-nin rəsmisi məlumat verib.
“Bunun üçün “Qarabağ Atçılıq Zavodu” MMC ilə müqavilə bağlanılacaq və cins Dilboz atlarının satışı həyata keçiriləcək”, - deyə o vurğulayıb.
8 hektar əraziyə malik olan heyvandarlıq kompleksi bugün istifadəyə verilib. Kompleksin daxilində sərgi salonu, satış mərkəzi, hərrac mərkəzi, ferma, sağım məntəqəsi, heyvanlara tibbi yardım məntəqəsi və digər binalar da fəaliyyət göstərəcək.
