2021-ci ilin yanvar-oktyabr aylarında Azərbaycanda qeyri-neft sektorunda məhsul istehsalı ötən ilin müvafiq dövrü ilə müqayisədə 20% artıb. Bu barədə məlumat 11 noyabr tarixində Dövlət Statistika Komitəsinin rəsmi səhifəsində paylaşılıb.
Cari ilin ilk 10 ayında sənaye müəssisələri və bu sahədə fəaliyyət göstərən fərdi sahibkarlar tərəfindən 41,9 milyard manatlıq məhsul istehsal edilib. Bu da ötən ilin eyni dövrü ilə müqayisədə 5,2% çoxdur.
Sənaye məhsulunun 63,1%-i mədənçıxarma, 31,3%-i emal, 4,7%-i elektrik enerjisi və qaz, 0,9%-i isə su təchizatı, tullantıların təmizlənməsi və emalı sektorunda istehsal olunub.
Azərbaycanda 2020-ci ildə 37,1 milyard manatlıq sənaye məhsulu istehsal edilib.
