Azərbaycanda taxıl səpinində ilk dəfə yeni üsuldan istifadə olunub. Bu haqda 16 dekabr tarixindəTərtər Zona Təcrübə Stansiyasının direktoru Report-un Qarabağ bürosuna istinadən məlumat verib.
Onun sözlərinə görə, yığılmış pampıq sahələrində səpilən taxılın məhsuldarlığı digər sahələrə nisbətən yüksək, toxumun çürüməsi halları isə minimum olur: “Lakin pampıq yığımı tam başa çatmasını gözləmək fermerlər üçün əksər hallarda çətinliklər yaradır və taxıl səpini işləri yağış yağan aylara təsədüf etdiyi üçün səpilən toxumlar çürüməyə məruz qalır”.
Aqrar Elm və İnnovasiya Mərkəzinin Əkinçilik Elmi-Tədqiqat İnstitutunun direktoru Faiq Xudayev bildirib ki, yeni üsulun birinci hissəsi minimum becərmə sahələrində şumlama işləri aparmadan toxum səpinini həyata keçirməkdir. Üsulun ikinci hissəsi isə tirəli səpindən istifadə etməklə pambıq sahələri tam yığılmamış taxıl səpini işlərini aparmaqdan ibarətdir.
“Pambıq sahələri kifayət qədər gübrə və dərmanlarla qulluq olunduğu üçün yeni üsulla həyata keçirilən taxıl səpini zamanı həmin sahələrə əlavə gübrə və dərmanların verilməsinə ehtiyac yoxdur", - deyə İnstitutun direktoru əlavə edib.
O bildirib ki, yeni usul fermerləri bir sıra əlavə xərclərdən azad edəcək.
