Cari ilin ilk 11 ayında Azərbaycanda 783,4 milyon manatlıq tikinti materialları istehsal edilib. Bu da ötən ilin eyni dövrü ilə müqayisədə 83,7% çoxdur. Bu haqda 15 dekabr tarixində dərc edilmiş Dövlət Statistika Komitəsinin hesabatında deyilir.
Betondan yığma tikinti konstruksiyaların istehsalı 2,1 dəfə, sementdən, süni daşdan və ya betondan tikinti blokları və kərpiclərinin istehsalı 60,3%, emal edilmiş mərmər travertin, alebastr və onlardan məmulatların istehsalı 55,8%, tikinti gipsinin istehsalı 43,8%, tikinti kərpicinin istehsalı 34,2%, hörmə üçün hazır beton qarışığının istehsalı 33,4%, asfaltın istehsalı 13,9%, tikinti əhənginin istehsalı isə 4,8% artıb.
