Ukrayna və Rusiya istehsallı divar kağızlarının qiyməti 2-3 manat artıb. Bu haqda məhsulun satışı ilə məşğul olan şəxslərə istinadən aprelin 1-də Report xəbər verib.
Mağaza müdiri Cəbrayıl Hüseynov söyləyib ki, Ukraynadan sifariş etdikləri və adətən, 5-6 günə gələn mallar bir aydan çoxdur, yolda qalıb. “Artıq bəzi firmalarda bahalaşma müşahidə olunur. Rusiya və Ukraynaya pul köçürə də bilmirik. Buna görə də mal ala bilmirik” -, deyə o bildirib.
Divar kağızlarının topdan satışı ilə məşğul olan Aslan Məlikov da sözügedən iki ölkədən alınan malların hələlik gəlmədiyini söyləyib: “Rusiya ilə problemin səbəbi pul köçürməsi ilə bağlıdır. Çünki pul köçürmələrdə problem yaranıb”.
O əlavə edib ki, bazarda daha çox tələbat ucuz divar kağızlarınadır. Onlar isə Belarus, Ukrayna və Rusiya mallarıdır.
Qeyd edək ki, Azərbaycanın bu sahədə yerli istehsalı yoxdur. Ötən il Azərbaycan xaricdən 10 min tona yaxın divar kağızı alıb. Dəyər etibarı ilə ixracın 33%-i Ukraynanın, 23%-i isə Rusiyanın payına düşüb.
