2021-ci ilin yanvar-oktyabr aylarında Azərbaycanın xarici ticarət dövriyyəsi 26,6 milyard dollar təşkil edib. Ötən ilin eyni dövrü ilə müqayisədə bu göstərici 34,4% artıb. Bu barədə məlumat Dövlət Statistika Komitəsinin 10 dekabr tarixli hesabatında əks olunub.
Hesabata əsasən, ilin ilk 10 ayı ərzində 185 ölkə ilə ticarət əməliyyatları aparılıb. 115 ölkəyə məhsul ixrac, 173-dən isə idxal olunub.
İxracın əsas hissəsi İtaliya, Türkiyəyə və Xorvatiyanın payına düşüb. İdxalda fərqlənən əsas ölkələr sırasında isə Rusiya, Türkiyə və Çin yer alıb.
