Oktyabrın 11-də ölkədə yeni 3 Agentlik və 1 Fond yaradılıb. Bu haqda Prezident Ilham Əliyev Fərman imzalayıb.
Fərmana əsasən, İnformasiya Kommunikasiya Texnologiyaları Agentliyi, Dövlət Dəniz və Liman Agentliyi, Yerüstü Nəqliyyat Agentliyi və Azərbaycan Biznesinin İnkişafı Fondu yaradılıb.
Azərbaycan Respublikasının Nəqliyyat, Rabitə və Yüksək Texnologiyalar Nazirliyi Azərbaycan Respublikasının Rəqəmsal İnkişaf və Nəqliyyat Nazirliyi adlandırılıb.
Dövlət Avtomobil Nəqliyyatı Xidmətinin tabeliyində olan qurumlar birləşdirilərək Azərbaycan Yerüstü Nəqliyyat Agentliyi publik hüquqi şəxs yaradılıb.
Avtomobil nəqliyyatı sahəsində sərnişin və yük daşıma xidmətlərinin keyfiyyətinin yüksəldilməsinə, eləcə də xidmətlərin elektron formada göstərilməsini təmin edən “AYNA” informasiya sistemi yaradılıb.
Dövlət Dəniz Agentliyinin tabeliyində Dəniz Üzgüçülüyünün Təhlükəsizliyi Mərkəzi ,eləcə də Rəqəmsal İnkişaf və Nəqliyyat Nazirliyinin tabeliyində Dövlət Dəniz və Liman Agentliyi publik hüquqi şəxs yaradılıb.
Milli Nüvə Tədqiqatları Mərkəzi QSC-nin, İnnovasiyalar Agentliyinin və Yüksək Texnologiyalar üzrə Tədqiqat Mərkəzinin birləşmə yolu ilə İnnovasiya və Rəqəmsal İnkişaf Agentliyi yaradılıb.
