“Azərbaycan Dəmir Yolları” QSC və “Rusiya Dəmir Yolları” ASC tərəfindən kənd təsərrüfatı məhsullarının ixracının asanlaşdırılması üçün yeni layihə hazırlanıb. Bu haqda “ADY Express” MMC 15 noyabr tarixində məlumat verib.
Yeni layihə daşıma tariflərinin endirilməsini, yükdaşıma texnologiyasının yenilənməsini, terminallarda yükaşırma prosesinin asanlaşdırılmasını və vaqon təminatını əhatə edir.
Rusiya ilə sərhəddə yerləşən Xaçmaz rayonunun yeni terminalından əsasən kənd təsərrüfatı məhsulları Selyatino stansiyasına göndəriləcək və oradan müştərilərə çatdırılacaq. Layihənin həyata keçirilməsi üçün soyuducu vaqonlardan istifadə ediləcək.
Layihənin məqsədi Azərbaycanda istehsal olunan, tez xarab olan kənd təsərrüfatı məhsullarının Rusiya bazarlarına vaxtında çatdırılmasıdır.
