“Azəriqaz” İB bayram günlərində fəaliyyətini adi rejimdə davam etdirəcək. Bu haqda martın 19-da qurumdan AZƏRTAC-a bildirilib.
Belə ki, Bakı Regional Qazın Satışı Departamentinin Müştəri xidməti şöbəsinin əməkdaşları martın 19-dan 27-dək işləyəcəklər.
Koda düşmüş kartların, qüsurlu ödənişlərin, itirilmiş və yaxud zədələnmiş smart kartların bərpası kimi xidmətlər göstəriləcək. 35 nəfərdən ibarət mühəndis heyəti həftə içi saat 10:00-dan 15:00-dək, şənbə və bazar günləri isə saat 10:00-dan 14:00-dək iş başında olacaqlar.
Vətəndaşlar hər hansı bir çətinliklə bağlı 104/185 “Çağrı Mərkəzi”nə, 077 3 104 104 “WhatsApp” nömrəsinə müraciət edə bilərlər.
