Azərbaycanda kifayət qədər xammal ehtiyatı mövcuddur və şəkər tozunun istehsal prosesi plan üzrə davam edir. Bu barədə 31 mart tarixində "Azərsun Holdinq"ə istinadən APA xəbər verib.
Açıqlamada deyilir ki, regionun ən böyük şəkər istehsal müəssisəsi olan İmişli Şəkər Zavodu tam gücü ilə fəaliyyətini davam etdirir. “Satış nöqtələri də tələbata uyğun olaraq şəkərlə təmin edilir. Müxtəlif KİV-lərdə yayılan xəbərlərin heç bir əsasının olmadığını bildiririk və bütün media mənsublarını belə bir həssas məqamda ajiotaja səbəb olmamağa çağırırıq", - açıqlamada qeyd olunub.
Qeyd edək ki, bu gün müxtəlif sosial şəbəkələrdə ölkədə şəkər tozunun qıtlığı ilə bağlı məlumatlar yayılmışdır.
